Costa de Lugo 7

 Lago - Madeiro

Esta etapa salva o escollo da costa de Lugo: A factoría Alúmina - aluminio, e o camiño natural non inclúe os tramos de acantilado, que eu si incorporei.

Concellos: Xove e Cervo

Lugares: Lago Lieiro San Ciprián Madeiro

Transporte: FEVE

Distancia: 13 km

Desnivel: 214 m

Iremos no tren que pasa por Ribadeo ás 11:30 e regresaremos ás 18:35, con billete de ida e volta a Lago. No apeadeiro de Lago saímos cara a dereita, indo pola estrada mais próxima a vía, ata o punto en que a cruza, nese lugar enlazamos co camiño natural e seguimos as súas indicacións ata pasar á ponte romana sobre o río Covo e chegar á ponte do tren.

Antes de cruzalo, imos cara a esquerda para subir á igrexa de Lieiro, e despois imos cara a beira do mar, para costear o máximo posible ata volver a atopar as indicacións do camiño natural na ponte da estrada que entra en San Ciprián . Seguimos por el ata chegar ao campo de futbol.

aquí continuaremos costeando, ata aproximarnoa á piscifactoría onde cruzamos e despois de retroceder uns metros pola estrada , cruzamos e rodeamos o polígono industrial indo por Pedrosa, Lagás, Casa novas, Cuiña, Fontao e o Madeiro

Costa de Lugo 6

Esta ruta é un duplicado da realizada no ano 2018 con nome: Portiño de Morás, entonces non había o "Camiño natural: Ruta do Cantábrico" nin as melloras a ese trazado feitas polo propio concello.

Concello: Xove

Lugares: O Vilar, Lago, Praia de Lago, Portiño de Morás, Punta Arxente, Praia de Sucastro,  Sumoas, Xove

Distancia: 16 km

Desnivel: 368 m

Transporte: FEVE (consulta horarios)

Sinopse: Con billete de ida e volta a Xove, baixámos do tren (previo aviso ao revisor) no apeadoiro de Lago para ir cara ao mar por a Praia de Lago e o Portiño de Morás, asomándonos a ver os cantís do Concello de Xove.

Fotografía de Antonio Herrero Huerta. IV Concurso de fotografía Cervo respeta

Continuamos pola beira do mar, seguindo as indicacións, azuis, do concello,

 a Cabo de Morás, pasamos frente a illa "As Salseiras" e aproximámonos á praia de Sucastro, voltamos cara ao interior para entrar áo lugar de A Aldea de arriba desde a que imos bordeando o embalse de lodos bermellos, refugallo do proceso de fabricación da alúmina, para ir ao sur cara a Sumoas e Xove.
O tren sae da estación de Ribadeo ás 11:30 chega a Lago ás 12:23 e para o regreso está previsto sair de Xove ás 17:44 e chegar a Ribadeo  ás 18:38. Se alguén desexa prolongar o paseo indo a Portocelo e a Punta Roncadoira, pode regresar no que saíndo de Xove ás 21:22, chega a Ribadeo ás 22:15