Barreiros - Os Castros (Ribadeo) Senda natural. Ruta do Cantábrico

 

Concellos : Barreiros  Ribadeo

Distancia: 17 km

Desnivel: 114 m

Traxectoria: Ver a traxectoria

Transporte: Feve  (consulta horarios)

Percorrido:

Burela - Marzán. Camiño natural Ruta do Cantábrico

Concellos: Burela e Foz

Distancia: 18 km

Desnivel: 186 m

Traxectoria: Ver a traxectoria

Transporte: Feve  (consulta horarios)

Saíndo de Ribadeo ás 11:34, a FEVE ten a chegada a Burela ás 12:08, dispoñemos de seis horas ata que pase por Marzán ás 18:16 o tren que regresa a Ribadeo ás 18:37. 

Sáese de Burela cara ao leste, sen gañar nin perder altura e a medida que deixamos o centro urbán, imos atopando as sinais da senda costeira que nos levan por toda a costa seguindo a Ruta do Cantábrico, sen dar lugar a dudas.

Facendo este percorrido na baixa mar podemos deixar a senda para camiñar pola area tan pronto como entremos no concello de Foz, na praia da Areaoura, a segunda que atopamos. Mais adiante por salvar o Rego  Real hai que adentrarse en Cangas de Foz, e cando voltemos á costa convén aproximarse a ver o motivo polo que tivemos que dar ese rodeo e aproveitar o lugar para comer e tomar o café en casa Selmira.

Voltaremos a area na praia de Xuncos, en baixa mar temos un bo tramo para camiñar pola beira do mar. 

Outro punto imprescindible é o porto de Nois

Cruzar por a praia de Arealonga ou seguir pola senda, xa sabeis de que depende, en calquera caso e sen ter en conta á marea, visitaremos o castro de Fazouro.

Cruzamos o Río Ouro continuamos ata a praia de Llás e nese punto entramos cara o sur, atravesamos a estrada xeral e sen cambiar de dirección chegamos ao apeadoiro de Marzán.  

Da Veiga a Ribadeo

Concello: Ribadeo

Parroquias: Santalla de Vilausende e Ove

Distancia: 16 km 

Transporte: Feve  (consulta horarios)

Punto de partida: Estación de FEVE da Veiga

Track: arquivo gpx

Vista aérea: vista aérea

Percorrido: Saíndo da estación cara á Veiga, a altura de Ferros Alonso, entrando á dereita, hai unha ponte para cruzar o Río Suarón, e despois de atravesar o recinto feiral, outra ponte permite pasar o Río Monjardín e outra vez á dereita vaise á ponte sobre o Río Eo. Xa en Galicia no lugar de Porto de Abaixo, unha estrada pendente sobe entre as casas, e gañando altura hai unha vista panorámica da xunqueira e os meandros do río Eo. Ao chegar a estrada de Porto de Arriba hai que ir á esquerda, pasando xunto a subestación do gas, para baixar ao Río da Veiga, Carbón e a Curuxeira para chegar á estrada de Santalla de Vilausende.

Vaise a esquerda, cara ao pazo, uns metros para entrar pola estrada que pasa diante da igrexa e seguir por ela ata o lugar de Santomé. Pasadas as casas baixa un primeiro camiño ao río grande, por o que non se entra, pero hai que velo, para despois entre os eucaliptos ver o segundo e así saber que no seguinte, o terceiro que fai unha pequena isleta a modo de rotonda, é o adecuado para baixar ao Río Grande nun punto que se pode atravesar por unha ponte de cemento e continuar por pistas de terra collendo cara a dereita na pista mais ancha na que se desemboca para chegar a Reme de Arriba.

Actualmente (2022) antes das casas de San Tomé baixa un camiño ata a Fonte das Señoritas, e continúa a Ponte da Acea desde onde se sube directamente a Reme de Arriba. Tamén se pode acceder a esta ponte dende a entrada á fraga que hai en Lourido, pero é necesario coñecer o lugar.

Báixase de Reme  a estrada xeral para ir uns metros á esquerda e subir por camiños de terraa ata Frieira Vella. Na estrada á esquerda vaise cara a Pastoriza e no cruze á dereita por unha pista de terra atravésase o monte para saír a Vilar da Graña. Chegando ao asfalto á esquerda vaise á Graña e fronte a capela, entre as casas continúa un camiño que baixa á Palmeira, ao pasalo río convén desviarse uns metros augas arriba, para ver o muíño, actualmente en fase de recuperación, saése a Ove e a Ribadeo.

                                                                                                   Teresa Díaz Estévez

Vilavedelle Castropol

 

Concello: Castropol  

Distancia: 11 km  

Transporte: Feve  (consulta horarios) / Lancha 

Percorrido: Imos na Feve ata Vilavedelle, visitaremos este descoñecido lugar, aínda que para evitar a estrada teremos que voltar cara ao apeadeiro e seguir a pista que vai a Lantoira. 

De alí baixamos para atravesar a estrada N-640 e ir cara a Punta Veloso sorteando o centro de tratamento de augas. 

Entre pinares seguimos ata praia verde, cos seus tres fornos de cal, baixaremos depois a Fontela. 

Continuamos en dirección a Castropol, e ao aproximarnos de novo á estrada N-640 nos desviamos cara á ría para chegar por camiños ata o paseo do muelle. 

Para finalizar o paseo cumpre dar unha volta por Castropol e volver ao peirao para embarcar cara a Ribadeo

Queixoiro

Concellos: Ribadeo Trabada

Parroquia: Cedofeita

Lugares: Requiande, Queixoiro, San Fernando, Teixido, Atarola, Marelle

Distancia: 11,5 km ou 14km subindo ao pico de San Fernando

Desnivel: 425m ou 522m subindo ao pico

 

>

Deixando o coche en RequiandeComénza a subida no barrio de Queixoiro ao son do rego, por unha pista asfaltada que ao achegarse ao monte xira en ángulo recto, nese punto a deixamos, para seguir cara arriba pola pista de terra mais á dereita, das dúas que vemos. E seguimos subindo unha vez acadado o nacemento do regato, o camiño vira cara ao norte e en poucos minutos aparece unha pista , con pendente forte, pero breve, que nos levará ao campo de San Fernando.

A capela é un bo sitio para comer e esperar placidamente a que a xente que tivo interés en subir ao pico de San Fernando (2,5 km e 100m de desnivel) a ver as magníficas vistas que ofrece.

Baixaremos despois polo monte a Teixido e sen entrar no núcleo de Piñeiro imos subindo cara a Atarola para baixar a Marelle e pechar o circuíto de novo en Requiande

1000 escaleiras polo casco urbán de Ribadeo

Powered by Wikiloc

<

Concello: Ribadeo

Punto de partida: Praza 8 de marzo

Distancia: 5,3 km

Reme de abaixo, Porto, Santalla, Reme de Arriba

 

Mapa en wikiloc: Ligazón 

Concello: Ribadeo

Parroquias: Santalla de Vilaosende, Couxela, Covelas

Distancia:12 km

Peculiaridade: ruta practicable so cando a vía do tren está desbrozada

Percorrido: O punto de partida está na entrada da estrada que sube a Lourido, son 12 km , con pouco desnivel por sendas verdes, pola vía do tren de Vilaodrid ata Porto,

por unha pista forestal de Porto a Santalla, con boas vistas do Río Eo, 

 

por un camiño de Santalla a Santomé que pasa polo campo dos bolos, que nunca soupen que é nin onde está.

 

Polo río ata Reme onde, na Ponte da Acea

 

 entramos na fraga que ten todo o ten que ter unha fraga, lama para esbarar, paos para tropezar e carrachas de compañía (usen ustedes elinwas como repelente), e tamén ten (estos días) un camiño aberto a golpe de motoserra e fouciño para facilitarnos o paso.