1000 escaleiras polo casco urbán de Ribadeo

Powered by Wikiloc

<

Concello: Ribadeo

Punto de partida: Praza 8 de marzo

Distancia: 5,3 km

Reme de abaixo, Porto, Santalla, Reme de Arriba

 

Mapa en wikiloc: Ligazón 

Concello: Ribadeo

Parroquias: Santalla de Vilaosende, Couxela, Covelas

Distancia:12 km

Peculiaridade: ruta practicable so cando a vía do tren está desbrozada

Percorrido: O punto de partida está na entrada da estrada que sube a Lourido, son 12 km , con pouco desnivel por sendas verdes, pola vía do tren de Vilaodrid ata Porto,

por unha pista forestal de Porto a Santalla, con boas vistas do Río Eo, 

 

por un camiño de Santalla a Santomé que pasa polo campo dos bolos, que nunca soupen que é nin onde está.

 

Polo río ata Reme onde, na Ponte da Acea

 

 entramos na fraga que ten todo o ten que ter unha fraga, lama para esbarar, paos para tropezar e carrachas de compañía (usen ustedes elinwas como repelente), e tamén ten (estos días) un camiño aberto a golpe de motoserra e fouciño para facilitarnos o paso.

Ribadeo Reme pola vía do tren de Vilaodrid

Trazado en wikiloc: Ligazón

Concello: Ribadeo

Parroquias: Ribadeo, Ove.

Distancia 12 km

Peculiaridade: So se pode realizar cando a vía está desbrozada.

Percorrido: Sair de Ribadeo pola Vilavella, pola senda marcada ata as Aceas, atravesar o dique da acea e subir á estrada xeral pola que hai que avanzar 150 m cara a Veiga, chegando á entrada que baixa á vía do antigo tren.

Camiñar pola vía ata Reme, e van 6 km, nese punto vir cara a Ribadeo pola estrada, 30 ou 40 m, e subir pola pista asfaltada que vai a Frieira para regresar a Ribadeo con un paseo de 12 km.

Este paseo pode prolongarse amecéndolle o paseo Reme-Porto Reme para o que actualmente (2022) hai que salvar a desembocadura do Río Grande pola estrada. Entrar en dirección a Lourido e antes de iniciar a costa xa vemos, paralelo á ría o trazado da vía que seguiremos ata que de repente se acaba onde nalgún tempo houbo unha ponte. Desandamos 15 ou 20 metros e con unha breve subida polo monte atopamos un camiño que nos leva na dirección adecuada, cara á Veiga. 

Neste tramo veremos zonas anegadas por augas eutrofizadas e ao final da recta un túnel que podemos atravesar, saíndo ao sur de Porto de Abaixo. E polo de agora non se pode continuar, toca dar a volta ou seguir á Veiga en busca de transporte para regresar.  

 Marelle - Rego do galo.

Concellos: Ribadeo Trabada

Parroquias: Cubelas, Couxela, Cedofeita e Balboa

 

Lugares: Marelle, Alto da Tarola, O pedredo, Rego do galo, Sequeiro, As Cabanas, Piñeiro, Queixoiro e Requiande

Transporte: Coche particular ata Marelle

Distancia 14,5 km

Desnivel 500 m

Mapa

Percorrido: Desde Marelle, por un camiño de monte, súbese á Tarola e imos á esquerda cara a Couxela ata a primeira pista á dereita por a que rodeamos Couxela baixando cara ao rego que limita con Trabada, subimos logo pola beira da finca de Rego do galo e ao chegar ao asfalto imos cara a dereita , subindo ata o indicador de Sequeiro, onde entramos para poder ver a panorámica cara ao surleste, rematado o asfalto seguimos de frente e o camiño nos irá dando a volta e nos volverá a levar ao asfalto.

Baixamos cara ao río e entramos pola pista que atopemos cara á dereita que nos trae de novo ao concello de Ribadeo na parroquia de Cedofeita, no barrio de Piñeiro, lugar de Aldea. Curiosa a igrexa. Imos pola estrada ata a escola e baixamos cara a Queixoiro e Requiande para buscar a pista, sempre enlamada, que leva a Marelle.

Hai unha opción mais sinxela comenzando e rematando o paseo en Piñeiro . 

    

Da Espía a Piantón

Concello: A Veiga

Lugares: A Espía, Nafarea, Meredo, Xaraz, Sestelo, Piantón

Transporte: Coches particulares

Distancia 14 km (sen baixar ao mazo)

Desnivel de subida 260m  (sen baixar ao mazo)

Trazado: wikiloc  (baixando ao mazo)
Trazado: garmin (sen baixar ao mazo)

 

O percorrido comenza no lugar da Espía na carretera que sube á Garganta, a once quilómetros de Vegadeo.
Entra unha carretera asfaltada es dirección á Nafarea e por ela iremos, disfrutando da vista da Barranca de Paramios, de Molexón e do río Suarón que acompañaremos augas abaixo ata o lugar de Ferrería, onde saímos á estrada que entra e Meredo.

                                Vista de Molexón na aba da Serra da Bobia. Foto de Carlos Lagarón

A igrexa ben merece unha parada, será un bo lugar para comer. Continuamos cara ao centro de Meredo, aquí hai unha subida ata dar co camiño que de novo co Suarón, nos levará a Xaraz , e seguimos ata un punto no que indica a baixada ao mazo de Meredo, que tamén merece ser visitado aínda que signifique desviarse do camiño trazado. En decembro de 2019, ao chegar áo aparcadoiro do mazo, atópase un cartel que prohibe o paso, supoño que debido ao mal estado das pequenas pontes e pasos de madeira.

Nada mais cruzar a estrada para continuar co paseo, entra un camiño á dereita que pasa cerca da mina Cancelúa e vese, mentras non medren os eucaliptos, o antigo forno, continuamos cara a Sestelo onde teremos que recuperar parte do desnivel perdido ao baixar ao mazo, sigue a Arcilo, con outra pequena subida e finalmente baixa a Piantón. 

Información mais completa do segundo tramo en: Meredo- Piantoń  

De Mosende a Covas

Trazado: Wikiloc

Concellos: O Vicedo e Viveiro

Transporte: Feve  (consulta horarios)

Track: Por Xoan Antón Monasterio

Percorrido: O Camiño natural do Cantábrico na costa de Lugo vai de Ribadeo a O Vicedo, en cinco etapas.

Este tramo de 17 km de lonxitude e 500m de desnivel acumulado, pasa por parte da quinta etapa e pódese facer utilizando a FEVE entre os apeadoiros de Mosende e de Covas.

Do apeadero de Mosende sáese cara ao norte ata chegar á praia de San Román da que se sae pola senda, visitando a cruz de San Román para ter unha boa panorámica da praia.
Séguese en ascenso polo monte, seguindo as indicacións da senda ata dar co camiño que sae a punta do "Fuciño do porco" onde se ubica o faro da ría de Viveiro.

Volvemos a buscar a senda, imos a praia de Abrela e se poideramos cruzar o rego de Escourido teríamos avanzado no camiño que leva á punta da Insua, e se non, seguimos a senda ata saír a estrada, imos cara á esquerda.
Chegando ao extremo vemos os vestixios do castro que alí houbo,  a Cova da Doncela, e a panorámica da praia de Abrela, de volta paramos no cargadoiro de mineral e se a atopamos veremos tamén o Cova de San Xoan

De volta á senda, crúzase a estrada xeral, a vía do tren e súbese un bo tramo polo camiño de Soutullo para baixar á altura do hotel As sirenas.

Teresa Díaz Estévez

Cotapos Culmieiros

Ligazón a wikiloc

Concello Castropol

Distancia 13km

Transporte: Feve  (consulta horarios)

Ruta circular: tres quilómetros por pista forestal, catro por camiño e seis por asfalto. Comezo e final na estación de Castropol

Por detrás da estación de FEVE de Castropol, en San Xoan de Moldes, pasa unha pista. Camiñando por ela, cara ao leste, un quilómetro, desemboca noutra asfaltada, que nada mais atravesala xa vemos que continúa na mesma dirección para ir baixando cara a ponte de Cotapos.

Sen pasala ponte imos ao son do rego 3 km e chegamos a un punto que hai que descalzarse para cruzalo e poder continuar. Ou saltalo.

                            Fotografías de Sabas na preparación do paseo

Comenza a subida, xunto ao rego de Pusayane, cara a Culmieiros, rodeánse uns prados, entra o camiño un pouco no bosque e sae entre hortensias.
Chegamos ao asfalto e continuamos subindo ata o cruce a Pusallane que deixamos á nosa dereita para sair á estrada que vai de Castropol a Pousadoiro.
Baixamos 5km, con unhas vistas espectaculares, ata o desvío de Riocalente e camiñando por el, regresamos á estación.

 Fotografías de Barcia