Montes da Mariña 8: Madeiro - San Cibrao

Powered by Wikiloc

 

Concellos: Cervo

Transporte: FEVE

Percorrido: Dentro do concello de Cervo, en Madeiro imos cara ao interiór ata o sur da urbanización de Ríocobo, pasamos sobre a estrada nacional por unha ponte peatonal e rodeamos o embalse pasando por San Xiao do Castelo , por A Venta e o Guioncho, para chegar a San Cibrao polo río Covo.

O paseo é moi breve, 11km escasos, xa que se necesita tempo e ánimo para pasear por este lugar tan fermoso e cuidado e a ser posible disfrutar dun baño en calquera das súas praias

Montes da mariña 5: Nois-Pico da lebre_Marzán

 

Powered by Wikiloc

Concello: Foz

Transporte: FEVE (consulta horarios)

Distancia: 12.5 km

Desnivel: 454 m

Percorrido: Comezamos o paseo na estación de Nois indo un quilómetro cara ao sur, para chegar a Souto onde cambiamos o rumbo para ie cara ao leste, pola estrada de Lousada, ata cruzar o río Ouro e volver a cambiar o rumbo, agora cara ao sur, subindo  e aos 25o m de altitude,xiramos cara ao norte e seguimos subindo ata o Pico da lebre.

Agora toca baixar ata o Bispo Santo e  seguir descendendo ata a parada da feve en Marzán, onde colleremos o tren de regreso.

Hai unha opción alternativa na que unha vez cruzado o río Ouro non se sube ao monte senon que se se avanza cara a Foz, sen coller altura, levando sempre o bosque á dereita, xa chegando a Marzán hai a posibilidade de subir ao Bispo Santo para despois baixar o tren.

Resultan 9,3 km e 140 m de desnivel.

Powered by Wikiloc

Montes da mariña 4: Foz - Ermo - Barreiros

Powered by Wikiloc

Concellos: Foz e Barreiros

Transporte: FEVE (consulta horarios)

Distancia: 17 km

Desnivel: 310 m

Percorrido: Cruzando as vías en Foa, imos cara a esquerda , pasando por diante do Xoíña e entrando despois á cereita para ir por pistas ata Vilaronte feira, fermosa prza, seguimos agora as indicacións do camiña natural de San Rosendo ata chegar á ponte do Barral; neste punto deixamos Foz para entrar en Barreiros, imos indo cara ao norte  para sair á estrada pola que , con moita precaución, baixaremos uns trinta metros e cruzamos  para coller o camiño que vai paralelo ao rego do Santo Esteban , que nos levará ata a capela, merendeiro e cascada de Santo Estevo do Ermo.

Abandoamos o lugar en dirección a San Cosme, onde é moi difícil tomar un café os fines de semana, e baixamos á estación  a coller o tren de regreso

 

Montes da Mariña 3: Barreiros- Ínsua-Reinante

 

Powered by Wikiloc

Concello: Barreiros 

Transporte: Feve   (consulta horarios)

Distancia: 13 km 

Desnivel: 454 m 

Percorrido: Dende a estación imos cara ao sur, atravesamos a estrada xeral e continuamos na mesma dirección, seguremos pola aba do monte Penabor, cara á Ínsua, rodeamos a canteira e baixamos xunto ao rego da Barranca ata as primeiras casa de San Miguel.

Sen chegar a cruzar a autovía iremos cara ao leste ata o círculo lítico de Reinante, baixamos a ver unhas árbores senlleiras xunto á igrexa de Santiago  de Reinante e seguimos cara ao norte ata a estación se temos nela o coche para volver a casa sen ter que esperar a chegada do tren, senón haberá que seguir ata a Yenka  ata a hora de paso do tren .

Montes da mariña 2: Reinante-Comado-Rinlo

 

Powered by Wikiloc

Concellos: Barreiros e Ribadeo 

Transporte: Feve    (consulta horarios)

Distancia:13.6 km 

Desnivel : 472 m 

Percorrido: Desde a estación de Reinante imos cara ao sur pola estrada da praia, ata chegar á estrada xeral, que atravesamos e continuamos cara ao sur deixando o Amadora a nosa dereita, imos así ata igrexa de Santiago, vemos as árbores senlleiras e continuamos ao círculo lítico, pasamos sobre a autovía e imos medio quilómetro cara ao oeste para atopar a pista que sube ao Comado. Este tramo concentra o desnivel do paseo. 

O camiño continúa baixando a Nocedae desde alí por a estrada cara á igrexa da Devesa, o final de este tramo pode facerse por un camiño, baixo a liña de alta se non choveu, pero se está mollado mellor será continuar pola estrada. 

 Seguiremos cara ao Rato e á estación de Rinlo, onde podemos esperar o tren ou ben seguir outros 5 km ata Ribadeo

Montes da mariña 1: Rinlo - Vilela - Ribadeo

Powered by Wikiloc

Concello: Ribadeo

Parroquias: Rinlo, Cubelas, Ove

Transporte: Feve   (consulta horarios)

Distancia: 16 km

Desnivel: 400m

Percorrido: Chegamos a Rinlo no tren procedente de Ribadeo e saímos á estrada para ir á dereita cara ao bar stop, onde nos esperan os paseantes que chegaron procedentes de Foz, Burela,....

Cruzamos a estrada N-634 e imos cara ao monte, atravesando a madanela pasamos sobre a autovía e comenzamos a subida por a pista forestal ata o quilómetro 6, no punto marcado con varios carteis de montes veciñais, xa que, augas vertentes, alí cambian as parroquias.

Imos cara á esquerda, dirección sur, entrando nos montes de Vilela, durante 1km, aproximándonos ao nacemento do Rego da Silveira, baixamos canda el, atravesamos Vilela, pasando por baixo da estrada nova e imos ao Carboeiro, subimos por cerca do Rega da Rata e sin chegar a sair á estrada, damos co camiño de Santiago, polo que voltamos a Ribadeo. 

Costa de Lugo 10 Reinante - Ribadeo

 

Powered by Wikiloc

 

  Concellos:Barreiros e Ribadeo 

  Distancia: 16 km 

  Desnivel: 96 m 

  Transporte: Feve  (consulta horarios)

  Percorrido: Dende o apeadoiro de Reinante camiñar cara o norte para chegar á beira do mar e conectar así co "Camiño natural do Cantábrico" e despois vir cara ao leste seguindo as indicacións. A parada para comer será na cetárea de Punta Corveira e a continuación tomar o café en Rinlo. Ao chegar ao Portal en vez de ir a península de Celeirós pódese sair á estrada, continuar por ela ata o primeiro desvío á dereita que nos leva ao núcleo de Piñeiraavanzamos uns metros cara a Ribadeo e pola primeira pista de terra, á dereita, vimos cara a Ribadeo con un total de 16 km. Querendo continuar pola senda costeira, son 24km os que temos ata Ribadeo.

Costa de Lugo 9 Foz - Reinante

 

Powered by Wikiloc

Concellos: Foz, Barreiros

Distancia: 17 km

Desnivel: 207 m

Transporte: Feve  (consulta horarios)

Percorrido: Salvamos o peor escollo de este tramo cruzando as vias para ir por unha pista de terra ata o bar Xoíña. Camiñamos un metros pola estrada alonxándonos de Foz ata chegar a unha estrada, vella, que pasa por debaixo de estrada N 642, para entrar na senda costeira en Mañente .

Despois so é seguila ata a costa de Barreiros e decidir se volvemos por Remior á estación de San Cosme ou se continuamos ata a Yenka para coller o tren en Reinante

Costa de Lugo 8. Burela - Marzán

 

Powered by Wikiloc

Concellos: Burela e Foz

Lugares: Burela Cangas, Nois, Fazouro e Marzán

  Transporte: Feve  (consulta horarios)

Distancia: 16,8 km

Desnivel: 231 m

O trazado deste tramo coincide exactamente coa senda do Cantábrico. Indo na Feve chegamos a Burela ás 12:08 e regresamos desde Marzán ás 18:16. En seis horas temos tempo para facer o percorrido completo, comer e incluso tomar o café en Marzán.

Se a distancia resulta excesiva, hai a opción de quedarse en Fazouro, con tempo para visitar o castro, chegar ata a desembocadura do Río Ouro e visitar ese interesante núcleo. Así o percorrido serían 12 km.

Costa de Lugo 7 Lago - Burela

 

Powered by Wikiloc

Esta etapa salva o escollo da costa de Lugo: A factoría Alúmina - aluminio, e o camiño natural non inclúe os tramos de acantilado, que eu si incorporei.

Concellos: Xove e Cervo

Lugares: Lago, Lieiro, San Ciprián, Madeiro e Burela

  Transporte: Feve  (consulta horarios)

Distancia: 13 km a Madeira, 17,5 seguindo ata Burela

Desnivel: 214 m

Iremos no tren que pasa por Ribadeo ás 11:30 e regresaremos ás 18:35, con billete de ida e volta a Lago. No apeadeiro de Lago saímos cara a dereita, indo pola estrada mais próxima a vía, ata o punto en que a cruza, nese lugar enlazamos co camiño natural e seguimos as súas indicacións ata que aparece á nosa esquerda a chimenea da factoría e unha pista asfaltada que nos leva a praia de Limosa, costeamos ata a desembocadura do Río Covo, visitamos a estructura da que foi unha importante salazón e a pasar a ponte sobre o río Covo.

Seguimos as indicacións da senda do Cantábrico para entrar en San Ciprián e sair por cerca do campo de futbol.

Crúzase a estrada e seguimos as indicacións ata Madeiro, levando así 13 km e podería ser fin de tramo, pero tamén se pode continuar a Burela facendo un total de 17,5 km.

Costa de Lugo 6 Lago - Xove (pobo)

Powered by Wikiloc

Esta ruta vai en sentido contrario ao resto porque finalizando en Xove, pódese regular o tempo de espera ao tren, tomando café nas proximidades da parada.

Concello: Xove

Lugares: O Vilar, Lago, Praia de Lago, Portiño de Morás, Punta Arxente, Praia de Sucastro,  Sumoas, Xove

Distancia: 16 km

Desnivel: 368 m

 Transporte: Feve  (consulta horarios)

Sinopse: Con billete de ida e volta a Xove, baixámos do tren (previo aviso ao revisor) no apeadoiro de Lago para ir cara ao mar por a Praia de Lago e o Portiño de Morás, asomándonos a ver os cantís do Concello de Xove.

Fotografía de Antonio Herrero Huerta. IV Concurso de fotografía Cervo respeta

Continuamos pola beira do mar, seguindo as indicacións, azuis, do concello,

 a Cabo de Morás, pasamos frente a illa "As Salseiras" e aproximámonos á praia de Sucastro, voltamos cara ao interior para entrar áo lugar de A Aldea de arriba desde a que imos bordeando o embalse de lodos bermellos, refugallo do proceso de fabricación da alúmina, para ir ao sur cara a Sumoas e Xove.
O tren sae da estación de Ribadeo ás 11:30 chega a Lago ás 12:23 e para o regreso está previsto sair de Xove ás 17:44 e chegar a Ribadeo  ás 18:38. Se alguén desexa prolongar o paseo indo a Portocelo e a Punta Roncadoira, pode regresar no que saíndo de Xove ás 21:22, chega a Ribadeo ás 22:15

Costa de Lugo 5 Xuances - Xove (pobo)

 A característica de este tramo é a distancia  ( 4 km) entre as paradas da FEVE e a costa, que implica traxectorias mais longas, aínda que se fagan en dúas etapas. 

O tempo do que se dispón é de cinco horas e doce minutos indo no tren que sae de Ribadeo ás 11:30 e regresando no das 18:35

Esta primeira etapa é dende a praia de Esteiro ata Portocelo utilizando as paradas de Xuances e de Xove pobo.

Powered by Wikiloc

Esta é a opcion de 14km que vai seguindo as indicacións do camiño natural do Cantábrico.

Non se asoma á punta Mansa, nin vai ao Faro da Roncadoira.

---------------------------------------------

Powered by Wikiloc

Esta é a opción moi mellorada polo concello de Xove, que bordea a costa. Está ben indicada. Este tramo é de 20 km e ten un desnivel importante, mais de 668 m polo que non se chega a coller o tren que pasa por Xove ás 17:44. Pero o plan de bañarse en Portocelo, especialmente en marea alta e despois tomar un refrixerio en Xove, para vir nun tren que chega a Ribadeo ás dez e dez, non está nada mal .

Costa de Lugo 4 Covas - Xuances

 De Covas a Monte Faro

Powered by Wikiloc

Concello: Viveiro

Lugares: Viveiro, Celeiro, Area, Monte faro, Xuances

Transporte:  Transporte: Feve  (consulta horarios)

Distancia: 15,0 km ( sen subir ao faro 12,6)

Percorrido: Iniciamos o paseo no apeadoiro de Viveiro, ás 12:40, baixamos cara á ría e seguiremos o camiño natural do Cantábrico ata a praia de Portonovo, pasando por monte faro. Voltaremos cara ao sur, por Xuances, para ir ao apeadoiro, por onde pasará o tren ás 17:25 ; dispoñemos polo tanto de catro horas e media para camiñar, comer e incluso darse un baño. 

Costa de Lugo 3 Mosende - Covas

Powered by Wikiloc

Concellos: O Vicedo  Viveiro

Lugares: Mosende, Abrela, Patarroa , Covas

Distancia: 11 km

  Transporte: Feve  (consulta horarios)

Está previsto comenzar a camiñar na estación de Mosende ás 12:53, en dirección norte ata chegar ao mar, no extremo da praia de San Román, onde atopamos o camiño natural do Cantábrico, e por el viremos ata Covas, onde colleremos o tren ás 17:25.

Se vimos con tempo de sobra podemos tomar un café ou seguir á estación de Viveiro, por a que pasa o tren ás  17:29

Costa de Lugo 2 O Vicedo - Mosende

 2ª etapa do Camiño pola costa de Lugo seguindo a ruta do Cantábrico, co tren como transporte

Powered by Wikiloc

Concello: O Vicedo

  Transporte: Feve  (consulta horarios)

Distancia: 13,3 km

Tempo: 4,x h

Desnivel: 420 m

Partimos da estación de O Vicedo ca a praia de Xilloi, para continuar onde o deixamos no tramo anterior

Punta Cameiro frente a Illa Coelleira

Miradores Tixoso, Moreiras , Ribeira e Punta Lodelas

Praia de San Román

Opción: Pasada a praia de Xilloi, e ganada algo de altura, ir á dereita cara ao mirador de Tixoso, deixando sen rodear o montículo que hai frente a illa Coelleira. 

Regreso desde a estación de Mosende

Costa de Lugo 1 O Barqueiro - O Vicedo

 

Camiñamos pola costa de Lugo seguindo a ruta do Cantábrico, co tren como transporte

Powered by Wikiloc

    

Concello: O Vicedo

Transporte: Feve  (consulta horarios)

Distancia: 10,5 km

Tempo: 4 horas

Desnivel: 250 m

    

    Procedentes de calquera punto da costa de Lugo, chegamos á estación de O Barqueiro á unha de mediodía, paralelo ao andén temos o camiño natural da ruta do Cantábrico polo que comenzamos a camiñar cara ao leste para cruzar a Ría do Barqueiro, pola ponte de ferro  e entrar na provincia de Lugo.

En baixamar pódese chegar ao Vicedo pola fermosa praia de Arealonga, coa marea alta haberá que seguir as indicacións da senda costeira que tamén sairán á praia algo mais adiante.

Pasada a praia dos Castelos hai un paseo con moitos bancos, perfectos para comer e sen demorarse moito continuar coa senda polo porto, a praia do caolín e por fin a praia de Xilloi, desde a que volvemos ao Vicedo para coller o tren que pasa  (febreiro 2024) ás 17:12.

Este tramo é breve por dispoñer tan só de catro horas para realizalo. 

         

Castropol Ribadeo polo camiño de Santiago e a senda costeira

Concello: Castropol

Lugares: O Valín, Berruga, As Campas , Barres, Donlebún, As Figueiras. Ribadeo

Distancia: 13,5 km

Desnivel: 166 m

Transporte: Feve  (consulta horarios)

Percorrido: Sáese da estación de Castropol pola pista alquitranada e cóllese tres veces á esquerda para situase na pista que vai pola aba do pico San Marcos. Xa estamos no camiño de Santiago e por el se sigue entre piñeiros ou árbores de ribeira ata aproximarnos Ás Campas e despois por lugares mais abertos e xa con algunha vivenda ata achegarnos ao campo de futbol de Barres.

Cruzamos a estrada e rodeando a Igrexa de San Esteban imos cara a Donlebúne a senda costeira que seguimos ata As Figueiras, lugar que merece un paseo polas súas escaleiras e calellas.

Pasamos a ponte, e xa eatamos de volta  en Ribadeo

Río Suarón: De Piantón a Meredo

Powered by Wikiloc

Concello: A Veiga                                                        

Lugares: Piantón, Arcilo, Sestelo, Meredo, Cobre, Piantón

Distancia: 12 km (+ 6 indo na FEVE)

Transporte: Feve  (consulta horarios)

Percorrido: Saíndo de Piantón pola  ponte de tres arcos, sóbese polo camiño de Arcilo e de alí a Cobre por unha pista alcatranada, que acaba na casa máis alta, gallando en dúas pistas de terra, cóllese á dereita para ir ata El Foxo. Ao chegar á estrada e atravesala, un camiño de terra segue a Grandameá onde volvemos á estrada, uns metros, ata outro camiño á esquerda que nos leva por encima da xeral, desde Grandameá ata Xaraz.

Neste tramo vemos Meredo onde destaca a casona palacio de Rodríguez de Cancio (s,XVIII) e a igrexa parroquial Santa Marina con planta de cruz latina.sempre á esquerda pásase o núcleo de Xaraz, e despois a fonte. Pola pista de terra, desde onde se ven na ladeira da enfronte ata tres cortíns, construccións circulares para protexer os trobos, continúase uns metros atendendo ao carreiro que logo se atopa para baixar á dereita ao aparcamento do mazo.         
   
Báixase ao mazo, restaurado, é o lugar para refrescarse e comer. De volta ao aparcamento iníciase a subida por onde se baixou, e ao 10 metros  aproximadamente entra un carreiro á dereita que con unha subida suave volve ao camiño  que viña de Xaraz ancho e fácil de andar.

            Ao ir subindo, vese, sobre o mazo, o monte do Castelo, onde segundo Castrillón estivo o Castelo do Suarón., fortificación medieval que foi centro de actividades e capital militar do territorio denominado Honor del Suarón  situado entre as rías de Navia e Ribadeo, desde o mar ata Pesoz.

Poucos metros mais adiante está a mina da Cancelúa, para visitala é preciso levar lanterna.. Seguimos por un bosque de carballos, loureiro acivro e aloliqueiras  ou madroños ata chegar a altura da casa de Sestelo: caserón construído no século XIX como fábrica de papel, que se empregou como orfanato dende 1937 ata o 51. Hoxe está parcialmente reconstruída. Ten presa para a central eléctrica propia e unha finca con variedade de árbores.

            Segue un carreiro monte arriba ata unha pista ancha de terra  que desemboca nunha alcatranada, fronte a Samagán, pola que se continúa ata completar unha curva pronunciada en U. Déixase a estrada por unha pista de terra que baixa cara ao río e pouco antes de chegar a auga, xunto a un poste de alta tensión, cámbiase a un camiño con herba, e auga, que vai á zona de baños de Piantón. 

Desde alí sube en zig-zag e continúa paralela ao Suarón ata regresar a Piantón, antiga capital do concello de Vegadeo, onde destacan a praza, a igrexa parroquial de San Esteban (s XVI-XVII). con tres retablos de imaxinería barroca, e a casona rural Casa do Rego  có seu pombal octogonal

Teresa Díaz Estévez

Río Masma

<

Powered by Wikiloc

Distancia: 16 km por pistas de terra e moito alquitrán

Concellos: Foz e Barreiros

Lugares: O Centiño, A Espiñeira, Celeiro, Merille, San Cosme.

Transporte: Feve  (consulta horarios)

Percorrido: Saíndo da estación de Foz, ir á Espiñeira, e polo camiño de San Rosendo ir ao son do Masma ata a ponte de Rexa.

Tamén se pode atravesar pola ponte anterior, do Barral, e queda o paseo nos 12 km de rigor.

Pasar ao concello de Barreiros e voltar pola outra beira, augas abaixo ata sair á estrada. 

Opción 1 Haberá que ir por a estrada, con todo o cuidado uns 50 m para atravesala e ir por unha pista agora escuitando o rego do Santo Estebo ata estar baixo a autovía que non atravesamos aínda que si un dos seus accesos . 

Opción 2  Cruzar a estrada e subie  ata unha pista paralela á xestrada que collendo  á esquerda nos leva a pasar sobre a autovía e continuamos  sempre cara á esquerda, pola vía de servicio , que rematará ao chegar ao punto no que a autovía pasa a ser aérea. Haberá que baixar por un carreiro costo e pasar un regato para enlazar coa pista que vai baixo a autovía, agora indo á dereita.

E seguimos por Merille a San Cosme.

Nada que ver este percorrido cos dos ríos anteriores. 

Río Ouro

Concello: Foz

Parroquia:Fazouro                

Distancia:11km                               

Desnivel: Inapreciable

Transporte: Feve  (consulta horarios)

Percorrido: Comézase a camiñar no apeadoiro de Fazouro para ir cara ao mar, caendo á esquerda a visitar uns restos arqueolóxicos. Trátase dun castro litoral romanizado. As bases das vivendas son rectangulares, a diferencia das de castros anteriores que eran circulares; a estructura do conxunto é pentagonal, ocupando 7000 m2.

Séguese a liña de costa ata chegar a desembocadura do Río Ouro, fronte a praia da Pampillosa. Pásase baixo as pontes do tren e da estrada e xunto a ponte de ferro que era parte da N634. Vaise á beira do río por un tramo asfaltado, pásase a igrexa, o cemiterio de Fazouro e o río por unha ponte de pedra. 

A poucos metros hai unha pista de terra á dereita onde se ve o primeiro dos indicadores da senda que ao longo de cinco quilómetros vai por paraxes cada vez mais agrestes.

Parece que se viaxa no tempo, pasando do canal de fibrocemento a unha canalización feita na rocha e do bosque seco de eucalipto a lugares húmidos, con árbores propios e antigos. Tamén lembra outra época o pazo dos Condes de Fontao, relacionado coa concesión do condado de Foz, en tempos de Isabel II.  
  

O final da senda un salto de auga represada desde o que se volverá ao apeadoiro de Fazouro, onde haberá que estar antes das 17:50.  

Como este paseo é pequeno e sobra tempo, é mellor continuar pola senda costeira ata chegar a praia de Llas, onde iremos, pola rúa Torques do castro, ao apeadoiro de Marzán e aínda se pode tomar o café no bar que está frente á gasolineira.

               Teresa Díaz Estévez